নীতিমালা ও শৃঙ্খলা

اے خدائے پاک رحمان و رحیم

اے الالعالمین اے بے نیاز

تو ہی مطبود اور توہی مقصود ہے

تو کریم مطلق اور ہم ہیں گدا

ہم گنہگار اور تو غفار ہے

ہم ہیں ناچار اور تو ہے چارہ ساز

ہم ہیں بے کس اور تو بے کس نواز

تو وہ قادر ہے کہ جو چاہے کرے

جس کو چاہے دے جسے چاہے نہ دے

تو وہ داتا ہے کہ دینے کے لئے

در تری رحمت کے ہردم ہیں کھلے

تیرے در پر ہاتھ پھیلاتا ہے جو

پانی لیتا ہے وہ ہر مقصود کو

مانگنا ہم پر کیا ہے تو نے فرض

اور سکھا ہم کو دئے آداب عرض

مانگنے کا ڈھنگ بھی بتلا دیا

مانگنے کو भी ہمیں فرما دیا

بلکہ مضمون بھی ہر ایک درخواست کا

ہم کو یا رب تونے خود سکھلا دیا

ہر گھڑی دینے کو تو تیار ہے

جو نہ مانگے اس سے تو بیزار ہے

آپڑے اب تیرے در پر یا الہ

ہر طرف سے ہوکے ہم خوار و تباہ

گرچہ یا رب ہم سراپا ہیں برے

اب تو لیکن آپڑے در پر ترے

ہاتھ اٹھاتے شرم آتی ہے مگر

دل میں ہیں لاکھوں امیدیں جلوہ گر

تو غنی ہے اور ہم ہیں بے نوا

کون پوچھے گا ہمیں تیرے سوا

ہم ترا در چھوڑ کر جائیں کہاں

ہے تو ہی حاجت روائے دو جہاں

صدقہ پیغمبر کا ان کی آل کا

صدقہ اپنی عزت و اجلال کا

یہ مناجات اور دعا مقبول کر

اپنی رحمت ہم پہ اب مبذول کر